ಒವ್ವೇ ಸಂಸ್ಕೃತಿ ಒರಿಯೊಡಾಂಡ ಸುರೂಕಾದ್ ಆ ನೆಲತ್ತ ಬಾಸೆ ಒರಿಯೊಡು. ಬಾಸೆ ಒರಿಂಡ ಮಾತ್ರ ಸಂಸ್ಕೃತಿ ಒರಿಯರೆ ಸಾಧ್ಯ. ತುಳುನಾಡ್ ಪನ್ನಗ ಸುರುಕ್ಕು ನೆನಪಾಪಿನಿ ಬೂತಕೋಲ, ಆಟ, ನಾಗಾರಾಧನೆ!! ಇಂದು ಇತ್ತೆದ ಸೋಷಿಯಲ್ ಮೀಡಿಯಾದ ಪ್ರಭಾವೊಡು ತುಳುನಾಡ್ ಅತ್ತಂದ್ ತುಳುನಾಡ್ದ್ ಪಿದಯಿಲಾ ಮುಟುದುಂಡ್. ಇತ್ತೆದ ಜ಼ೆನ್ಜೀ ಜವನ್ಯ ಜವನ್ದಿಯೆರೆಗ್ ಅವೆತ್ತ ಬಗ್ಗೆ ತೆರಿಯುನುನ, ಅಧ್ಯಯನ ಮಲ್ಪುನ ಉಮೇದ್ಲಾ ಹೆಚ್ಚಾತ್ಂಡ್. ಇಂದು ಎಡ್ಡೆ ಇಚಾರನೇ, ಆಂಡ ಬೇಜಾರ್ದ ಸಂಗತಿ ದಾದ ಪಂಡ ಅವ್ವೇ ಉಮೇದ್ ನಮ್ಮ ತುಲು ಲಿಪಿ ಕಲ್ಪುನ ಬಗೆಟ್ ಇಜ್ಜಿ. ತುಲು ಲಿಪಿ ಕಲ್ತ್ಂಡ ದಾದ ಲಾಭ ಪನ್ಪಿನ ಮನಸ್ಥಿತಿ ಆದಿಪ್ಪು. ಇಂಗ್ಲೀಷ್ ಹಿಂದಿಡ್ ಪಾತೆರ್ಂಡ ಬರೆಂಡ ಬಿರ್ಸೆ ಪನ್ಪೆರ್ ಪಂದ್ ಎನ್ನುವರಾ!!?
ತುಳುನಾಡ್ ದುಂಬು ಬರೊಡು, ಅಭಿವೃದ್ಧಿ ಆವೊಡು ಪನ್ಪಿ ಬರೊಟ್ಟು ತುಳುನಾಡ್ದ ಸೊತ್ತುಲು ಮದೆ ಆವೊಂದುಲ್ಲ. ಬೆನ್ನಿ ಬೆನಿಯರೆ ದಪ್ಪರೆ, ನೇಜಿ ನಡಿಯರೆ ಟ್ರಾಕ್ಟರ್ ಬತ್ಂಡ್, ಬನ್ನಿದಸಬೇಲೆ ಸುಲಭ ಆಂಡ್. ಆಂಡಾ ಐತೊಟ್ಟಿಗೆ ಅವೆತೋ ತುಳು ಸಂಗತಿ, ಸೊತ್ತುಲು ಅಳಿದ್ ಪೋಂಡು. ಬೋರಿ ಎರ್ಲೆಡ್ ದಪ್ಪುನಗ ಪಾಡೊಂತಿನ ಉರಲ್, ನೇಜಿ ನಡ್ನಗ ಪನೊಂತಿ ಸಂದಿ-ಪಾಡ್ದನ ಟ್ರಾಕ್ಟರ್ಡ್ ದಪ್ಪುನಗ, ನಡ್ನಗ ಪನಿಯರೆ ಆಪುಂಡ ಪನ್ಲೆ!? ಅಂಚೆನೇ ಒಟ್ಟುಗು ಗಲಸೊಂತಿನ ಅವ್ವೇತೋ ಬೆನ್ನಿದ ಅತ್ಯಾರುಲು, ಸೊತ್ತುಲು ಐತ ಒಟ್ಟುಗು ನುಗ-ನಾಯೆರ್, ಪುಡ್ಕಾಯಿ-ಪನೋರು ಇಂಚಿನ ಅವ್ವೇತೋ ತುಳು ಪದಕುಲುಲಾ ಮದೆ ಆದ್ ಪೋತುಂಡು. ಭೂಮಿಗ್ ಬೋರು, ಉಗ್ಗೆಲ್ಗ್ ಪಂಪು ಪಾಡಿಬೊಕ್ಕ ಪಣೆ ಅಲಿದ್ ಪೋಂಡು. ಒಟ್ಟುಗು ಐಕ್ ಸಮ್ಮಂದಪಟ್ಟ್ದ್ ಇತ್ತಿನ ಮುಪ್ಪರ್ದ್ಲಾ ಹೆಚ್ಚಿ ತುಳು ಪದಕುಲು ಮದೆಯಾಯ!! ಇಂಚ ಇದಮುಟ್ಟ ಅವ್ವೇತ್ ತುಳು ಪದಕುಲು ಮಾಜಿದುಪ್ಪು?? ನಮ ಏತ್ ದುಂಬರಿಯಡಲಾ, ಬುಲೆಯಡಲಾ ನಮ್ಮ ಮೂಲ ಮದಪೆರೆ ಬಲ್ಲಿ.
ತುಲು ಬಾಸೆ ಒರಿಯೊಡಾಂಡ ನಮ ಜೋಕುಲೆಡ ಎಲ್ಯರ್ದೇ ತುಳುಟ್ ಪಾತೆರೊಡು, ಹೆಚ್ಚಿ ಹೆಚ್ಚಿ ತುಳು ಪದಕುಲೆನ್ ಗಲಸೊಡು. ಎಲ್ಯ ಸಾಲೆಡೇ ತುಲು ಲಿಪಿ ಬರೆಯರೆ ಕಲ್ಪಾವೊಡು. ಸಾಲೆಡಂತೂ ಕಲ್ಪಾವುಜೆರ್, ತುಳುನಾಡ ಮಹಾತ್ಮೆದಂಚಿನ ಕೂಟದಕುಲು ದರ್ಮೊಗು ತುಲು ಲಿಪಿ ಕಲ್ಪಾನಗ ಐತ ಪೆರೆಜನ ನಮ ಪಡೆವೋಡು.
ತುಳುನಾಡ್ಡ್ ಅವ್ವೇತೋ ಬಾಸೆಲು ಉಲ್ಲ ಆಂಡ ಮುಲ್ಪದ ನೆಲಮೂಲದ ಅಪ್ಪೆ ಬಾಸೆ ತುಳು. ಇಲ್ಲಡ್ ಒವ್ವೇ ಬಾಸೆ ಪಾತೆರ್ಂಡಲಾ ವ್ಯವಹಾರಿಕವಾದ್ ತುಳುಟ್ಟೇ ಪಾತೆರ್ಗಾ. ಬೆನಿಯರೆ ತುಳುನಾಡ್ಗ್ ಬೈದಿನ ಪರಬಾಸೆದಕ್ಲೆಗ್ ತುಳು ಕಲ್ಪಾಗ. ತುಳುನಾಡ್ದ ಸಂಸ್ಕೃತಿ ಆಚಾರ-ಇಚಾರ, ತಿಂಡಿ-ತೆನಸ್ಲೆನ ಬಗೆಟ್ ತೆರಿಪಾಗ. ಪ್ರತಿಯೊಂಜಿ ತುಳುವೆಲಾ ತುಳುಕ್ ಬೋಡಾದ್ ತಂಕ್ ಆಪಿನಾತ್ ಬೆನ್ನಿ ಬೆನ್ಕ. ತುಳು ರಾಜ್ಯದ ಅಧೀಕೃತ ಬಾಸೆ ಆಪಿಲೆಕ್ಕ ಬೊಕ್ಕ 8ನೇ ಪರೀಚ್ಛೇದಗ್ ಸೇರುನ ಮುಟ್ಟ ಪೊರ್ಂಬುಗ.
ತುಳು ಬಾಸೆಡ್ ಪಾತೆರ್ಲೆ, ತುಳು ಲಿಪಿಟ್ ಬರೆಲೇ!! ಜೈ ತುಳುನಾಡ್.
Photo Source: Internet
ತುಳುನಾಡ್ ದುಂಬು ಬರೊಡು, ಅಭಿವೃದ್ಧಿ ಆವೊಡು ಪನ್ಪಿ ಬರೊಟ್ಟು ತುಳುನಾಡ್ದ ಸೊತ್ತುಲು ಮದೆ ಆವೊಂದುಲ್ಲ. ಬೆನ್ನಿ ಬೆನಿಯರೆ ದಪ್ಪರೆ, ನೇಜಿ ನಡಿಯರೆ ಟ್ರಾಕ್ಟರ್ ಬತ್ಂಡ್, ಬನ್ನಿದಸಬೇಲೆ ಸುಲಭ ಆಂಡ್. ಆಂಡಾ ಐತೊಟ್ಟಿಗೆ ಅವೆತೋ ತುಳು ಸಂಗತಿ, ಸೊತ್ತುಲು ಅಳಿದ್ ಪೋಂಡು. ಬೋರಿ ಎರ್ಲೆಡ್ ದಪ್ಪುನಗ ಪಾಡೊಂತಿನ ಉರಲ್, ನೇಜಿ ನಡ್ನಗ ಪನೊಂತಿ ಸಂದಿ-ಪಾಡ್ದನ ಟ್ರಾಕ್ಟರ್ಡ್ ದಪ್ಪುನಗ, ನಡ್ನಗ ಪನಿಯರೆ ಆಪುಂಡ ಪನ್ಲೆ!? ಅಂಚೆನೇ ಒಟ್ಟುಗು ಗಲಸೊಂತಿನ ಅವ್ವೇತೋ ಬೆನ್ನಿದ ಅತ್ಯಾರುಲು, ಸೊತ್ತುಲು ಐತ ಒಟ್ಟುಗು ನುಗ-ನಾಯೆರ್, ಪುಡ್ಕಾಯಿ-ಪನೋರು ಇಂಚಿನ ಅವ್ವೇತೋ ತುಳು ಪದಕುಲುಲಾ ಮದೆ ಆದ್ ಪೋತುಂಡು. ಭೂಮಿಗ್ ಬೋರು, ಉಗ್ಗೆಲ್ಗ್ ಪಂಪು ಪಾಡಿಬೊಕ್ಕ ಪಣೆ ಅಲಿದ್ ಪೋಂಡು. ಒಟ್ಟುಗು ಐಕ್ ಸಮ್ಮಂದಪಟ್ಟ್ದ್ ಇತ್ತಿನ ಮುಪ್ಪರ್ದ್ಲಾ ಹೆಚ್ಚಿ ತುಳು ಪದಕುಲು ಮದೆಯಾಯ!! ಇಂಚ ಇದಮುಟ್ಟ ಅವ್ವೇತ್ ತುಳು ಪದಕುಲು ಮಾಜಿದುಪ್ಪು?? ನಮ ಏತ್ ದುಂಬರಿಯಡಲಾ, ಬುಲೆಯಡಲಾ ನಮ್ಮ ಮೂಲ ಮದಪೆರೆ ಬಲ್ಲಿ.
ತುಲು ಬಾಸೆ ಒರಿಯೊಡಾಂಡ ನಮ ಜೋಕುಲೆಡ ಎಲ್ಯರ್ದೇ ತುಳುಟ್ ಪಾತೆರೊಡು, ಹೆಚ್ಚಿ ಹೆಚ್ಚಿ ತುಳು ಪದಕುಲೆನ್ ಗಲಸೊಡು. ಎಲ್ಯ ಸಾಲೆಡೇ ತುಲು ಲಿಪಿ ಬರೆಯರೆ ಕಲ್ಪಾವೊಡು. ಸಾಲೆಡಂತೂ ಕಲ್ಪಾವುಜೆರ್, ತುಳುನಾಡ ಮಹಾತ್ಮೆದಂಚಿನ ಕೂಟದಕುಲು ದರ್ಮೊಗು ತುಲು ಲಿಪಿ ಕಲ್ಪಾನಗ ಐತ ಪೆರೆಜನ ನಮ ಪಡೆವೋಡು.
ತುಳುನಾಡ್ಡ್ ಅವ್ವೇತೋ ಬಾಸೆಲು ಉಲ್ಲ ಆಂಡ ಮುಲ್ಪದ ನೆಲಮೂಲದ ಅಪ್ಪೆ ಬಾಸೆ ತುಳು. ಇಲ್ಲಡ್ ಒವ್ವೇ ಬಾಸೆ ಪಾತೆರ್ಂಡಲಾ ವ್ಯವಹಾರಿಕವಾದ್ ತುಳುಟ್ಟೇ ಪಾತೆರ್ಗಾ. ಬೆನಿಯರೆ ತುಳುನಾಡ್ಗ್ ಬೈದಿನ ಪರಬಾಸೆದಕ್ಲೆಗ್ ತುಳು ಕಲ್ಪಾಗ. ತುಳುನಾಡ್ದ ಸಂಸ್ಕೃತಿ ಆಚಾರ-ಇಚಾರ, ತಿಂಡಿ-ತೆನಸ್ಲೆನ ಬಗೆಟ್ ತೆರಿಪಾಗ. ಪ್ರತಿಯೊಂಜಿ ತುಳುವೆಲಾ ತುಳುಕ್ ಬೋಡಾದ್ ತಂಕ್ ಆಪಿನಾತ್ ಬೆನ್ನಿ ಬೆನ್ಕ. ತುಳು ರಾಜ್ಯದ ಅಧೀಕೃತ ಬಾಸೆ ಆಪಿಲೆಕ್ಕ ಬೊಕ್ಕ 8ನೇ ಪರೀಚ್ಛೇದಗ್ ಸೇರುನ ಮುಟ್ಟ ಪೊರ್ಂಬುಗ.
ತುಳು ಬಾಸೆಡ್ ಪಾತೆರ್ಲೆ, ತುಳು ಲಿಪಿಟ್ ಬರೆಲೇ!! ಜೈ ತುಳುನಾಡ್.
Photo Source: Internet
