ಯಾನ್ ಪೊಣ್ಣು ಯಾನ್ ಪೊಣ್ಣು
ಆಣ್ ಬಾಲೆ ಪೆದ್ದಿನ ಪೊಣ್ಣು
ಕುಟುಂಬದಿಲ್ಲನ್ ಬುಡ್ದು ಬತ್ತಿನಾಲ್
ಬಾನನಿಲಿಕೆ ಆಸೆನ್ ದೀವೋಂದಿನಾಲ್.
ಜೀವಡಿತ್ತೀನ ನೆತ್ತೆರೆ ಪೋವಡ್
ಎನ್ನ ಸಂಸಾರ ಸುಖಡಿಪ್ಪಡ್
ಬೆಂದ್ ಕನಪಿನಿ ಆಣ್ ಅಂದ್
ಆಂಡ ಪೊಣ್ಣನ ಬೇನೆ ಅರ್ಥ ಆವಂದ್
ಜೋಕುಲೆನ ಬಂಜಿ ಜಿಂಜಾದ್ ಆಲ್ ಇತ್ತಿನಿ ಉಪವಾಸ
ಸಮಾಜ ಉದ್ಧಾರ ಆಂಡಲ ಅಲೆಗ್ ತಿಕ್ಕಿನಿ ವನವಾಸ
ಬಾಲೆದ ಬಂಜಿಗ್ ನೆತ್ತೆರ್ ಆಂಡ್ ಪೇರ್
ಆಂಡ ಎರ್ಲ ಒರೆಸರೆ ಬತ್ತಿಜೆರ್ ಕಣನೀರ್
ಪೊಣ್ಣು ಇಜ್ಜಂಡ ಆಣನ ಬದ್ಕ್ ಕಾಲಿಯೇ
ಆಂಡ ನಿಕ್ಕ್ ತಿಕ್ಕುನು ಇಲ್ಲದ ಚಾಕಿರಿಯೇ
ಬರ್ಸ ಬರ್ಪುನು ನೀರ್ನ್ ಜಿಂಜವರೆ ಕಡಲ್ ಡ್
ಪೊಣ್ಣು ಇಪ್ಪುನು ಬೇನೆ ಜಿಂಜಿದಿನ ಬದ್ಕ್ ಡ್
ಸ್ವತಂತ್ರ ಜೀವನ ಬೋಡು ಪನ್ಪಿನ ಕನತ ಪೊಣ್ಣು
ಸಮಾಜ ಪನ್ಪಿನಿ ಈ ಪೊಣ್ಣು, ಈ ಪೊಣ್ಣು.

Photos: karuppurojakkal