ಜೋಕುಲಾಟಿಕೆ, ಅವು ಒವ್ವೇ ಜವಾಬ್ದಾರಿಲುಪ್ಪಂದೆ, ಕಾಲಿ ನಿಷ್ಕಲ್ಮಶ ಮೋಕೆ ಬೊಕ್ಕ ಕುತೂಹಲಡುಪ್ಪುನ ಪೊರ್ತು. ಆ ದಿನೊಕ್ಲೆಡ್ ಗೊಬ್ಬಿನ ಮುಟ್ಟಾಟ, ಟೊಂಕಾಟ, ಬೆರಿಚೆಂಡ್, ಮಾರಾಮಾರಿ, ಪೊಕ್ಕು, ಬಚ್ಚಾ, ಕುಟ್ಟಿದೊಣ್ಣೆ, ಕಳ್ಳ ಪೊಲೀಸ್, ಪದಬಂಡಿ ಇಂಚಿನ ಮಾತಾ ಗೊಬ್ಬಲು, ಸಾಲೆಡ್ ಜೋಸ್ತಿನಕಲ್ನೊಟ್ಟಿಗೆ ಕರಿನ ಆ ದಿನೊಕುಲು, ಅಕಲ್ನೊಟ್ಟಿಗೆ ಆಯಿನ ಪೆಟ್ಟ್ ಲಡಾಯಿಲು, ವರ್ಷದ ಮಲ್ಲ ರಜೆಟ್ ದೊಡ್ಡನಿಲ್ಲಡೆ ಪೊನಗ ಅಲ್ಪ ಆರ್ ತೋಜಾಯಿನ ಮೋಕೆ, ತಿನ್ರೆ-ತೆನಸುಲು, ಪೆರಿಯಕುಲೆನ ಮೆಚ್ಚಿಗೆ ಪಾತೆರೊಲು… ವ್ಹಾ!! ಆ ದಿನೊಕುಲು ನನೊರ ಬರಿಯರೆ ಸಾಧ್ಯ ಉಂಡೇ ಪನ್ಲೇ!!? ಆಂಡಾ ಆ ದಿನೊಕ್ಲೆನ ನೆಂಪು ಮಾತ್ರ ಏಪೊಗ್ಲಾ ನಮ್ಮೊಟ್ಟಿಗೆ, ನಮ್ಮುಡಲ್‌ಡ್ ಜೀವಂತ ಇಪ್ಪುಂಡು. ಹಿಂದಿದ ಪ್ರಖ್ಯಾತ ಕಬಿ-ಲೇಖಕಿ “ಸುಭದ್ರಕುಮಾರಿ ಚೌಹಾನ್” ಮೆರೆನ “ಮೇರಾ ನಯಾ ಬಚ್‌ಪನ್” ಕವನದ ಸಾಲ್ ನೆಂಪಾಪುಂಡು.
"ಬಾರ್ ಬಾರ್ ಆತೀ ಹೈ ಮುಜುಕೋ ಮಧುರ್ ಯಾದ್ ಬಚ್‌ಪನ್ ತೇರೀ
ಗಯಾ, ಲೇ ಗಯಾ ತಾ ಜೀವನ್ ಕೀ ಸಬ್‌ಸೇ ಮಸ್ತ್ ಖುಷೀ ಮೇರೀ!!"