ಬಾರ್ಕೂರ್ ತೆಂಕಾಯಿ ನೀಲೇಶ್ವರ,
ಮೂಡಾಯಿ ತೋಜುಂಡು ಘನಗಟ್ಟ ಸಾಲ್;
ಉಲಾಯಿಡ್ ಒಂಜಿ ಬೂಡು,ಅವು ನಮ್ಮ ತುಳುನಾಡ್ ಅವು ನಮ್ಮ ತುಳುನಾಡ್.

ಬಾಸೆ ಪತ್, ತೆನಸ್ ನೂದು,ಸಾರ ದೈವ ಪೊರ್ಲು ತೂದ್,
ಸಾರ ಸಾನ,ಮನೆ ಮಂಚಾವುಡ್ ತುಳುವ ನಂಬುಗೆ ಗಾದ್

ಕಣ್ ದಿನ್ಜಿಂಡ್ ಕೋಲದಬ್ಬರ,ನ್ಯಾಯ ನೀತಿದ ಪಿಂಗಾರ
ಧರ್ಮ ನಿಲೆತ ಕೊಡಿಯಡಿಟ್ ಕೆಬಿಕ್ ಇರ್ಮೆನೆ ಗಗ್ಗರ.

ಕಟ್ಟ ಪುಣಿಯೆ ನಡತ್ ಬನ್ನಗ ಪಚ್ಚ ಪಜಿರ್ ಕಡತ್ ತೂನಗ
ಬಂಜಿ ದಡ್ಮನೆ ಮೈಕ್ ಇರ್ಮನೆ ತುಳುವ ಮಣ್ಣುದ ಕಮ್ಮೆನೆ.

ಪಜ್ಜೆ ಪಜ್ಜೆಗ್ ಗೆಜ್ಜೆ ಕಟ್ ದಿನ ಕೆಂಪು ಕೇಪುಲ ಕೇದಿಗೆ ,
ಉಡಲ್ ದುಳಾಯಿದ ಸಾರ ಬೇನೆ ಗ್ ಕಡಲ ಕರೆನೆ ಮರ್ದ್ ಗೆ
ಸೆರೆತ ನುರೆತ ನೀರ ಸರೋಕ್ ಮನಸ ಕುರೆಕುಲು ಮಾಜುಗೆ

ಸುಗಿತ ಭಕ್ತಿಡ್ ಕಣ್ ದಿಂಜಿನ್ಡ್ ಕಾರ್ಣಿಕದ ನಾಗಮಂಡಲ
ಗೇಣ ಗೇಣ ಗ್ ಗೇನ ಕೊರ್ಪಿನ ಮಲ್ಲ ಮೇಲೊದ ಆಟಲ

ಜೋಡು ಕೆಸರ್ದ ಕರೆಟ್ ತೋಜಿನ್ಡ್ ಜೋಡು ಎರ್ಲೇನ ಕಂಬುಲ
ಬಾಲ್ ಕಟ್ಯೇರ್ ಕೋರಿ ಬುಡುಯೇರ್ ಸೋರ್ತಿ ಕಟ್ಟದ ಗೌಜಿಲ
ತಾಸೆ ಪರ್ಲಂಡ್ ಮೈಲಾ ಮರ್ಲುಂಡ್ ತೂಲೆ ಪಿಲಿಕುಲೆ ನಲಿಕೆಲ..